Jikteb il-Kappillan

Inkomplu nippreparaw għall-Ġublew tat-Tama 2025.

Il-Logo tal-Ġublew tas-sena 2025 juri erba’ figuri stilizzati li jirrapreżentaw l-umanità kollha mferrxa mal-erba’ rjieħat tad-dinja. Huma mħaddna flimkien, sinjal tas-solidarjetà u l-fraternità li għandhom jgħaqqdu l-popli flimkien.

Ta’ min jinnota kif l-ewwel figura biss hija mqabbda mas-salib li jissimbolizza l-fidi.  Imma anke jekk it-tlieta l-oħra mhumiex direttament iggranfati miegħu, madankollu permezz ta’ xulxin, il-bnedmin kollha, anke dawk ta’ twemmin differenti, jissieħbu f’tgħanniqa waħda, għax il-fidwa, miksuba minn Kristu fuq is-salib hija għalihom ukoll.  Hekk il-vjaġġ tal-pellegrin mhuwiex ġrajja personali ta’ individwu, iżda wieħed komunitarju bl-impronta ta’ dinamiżmu dejjem jikber li jdur dejjem aktar lejn is-Salib.

Lejn il-parti ta’ isfel tiegħu, is-Salib huwa mtawwal u jieħu l-forma ta’ ankra, simbolu ta’ tama li qatt ma tista’ tkun abbandunata għal kollox għax hija tant meħtieġa f’mumenti tal-akbar bżonn.

Il-mixja tal-erba’ figuri, tidher fuq mewġ imħarrek, kif spiss huwa wkoll il-pellegrinaġġ uman f’din il-ħajja. Ilkoll nafu kif il-bniedem, minħabba ċirkustanzi personali u l-ġrajjiet li jseħħu madwaru, mhux dejjem iterraq fuq ilmijiet kalmi.

Imma s-Salib stess, figura ta’ Kristu nnifsu, jitgħawweġ lejn l-umanità bħallikieku joħroġ jiltaqa’ magħha biex ma jħallihiex waħedha. Hekk huwa joffri ċ-ċertezza tal-preżenza tiegħu u s-sigurtà tat-tama tul il-pellegrinaġġ kollu tal-bniedem.

Huwa dan kollu, kemm is-solidarjetà umana u kemm il-preżenza ta’ Kristu, li jibdlu l-mixja tagħna f’din il-ħajja f’Pellegrinaġġ ta’ Tama.

Dun Keith Bonnici

Kappillan

Parroċċa Familja Mqaddsa, Pjazza Ninu Cremona, L-Iklin IKL 1302 www.parroccaiklin.com

Tel 21423003 – email: [email protected] – Mobile Kappillan 79972444

 Ħinijiet oħra

QRAR: Qabel kull Quddiesa tal-obbligu u tal-Ħadd

TQARBIN TAL-MORDA: Kuljum tal-ġimgħa filgħodu b’appuntament wara li ssir talba lill-Kappillan.

Adorazzjoni Ewkaristika: fis-skiet il-Ħamis mis-6.00 a.m. sas-6.00 p.m.

VIA SAGRA: kull nhar ta’ Ġimgħa fis-5.50 p.m.

RUŻARJU: kuljum għoxrin minuta qabel il-quddiesa ta’ filgħaxija minbarra nhar ta’ Ġimgħa.

Ħin tal-Uffiċċju Parrokkjali: s-Sibt 7.10 a.m. sa 10.30 a.m.

Ħin tal-Katekiżmu għat-Tfal

It-Tnejn u l-Ħamis bejn l-4.30 p.m. u l-5.15 p.m. fil-ġranet tal-iskejjel tal-Istat

Kuntatti tas-saċerdoti:

Dun Keith Bonnici 79972444 [email protected]

Dun Karm Busuttil 79729444 [email protected]

Mons. Kalċidon Vassallo  79600500 [email protected]

Mons. Anton Vella  79289656 [email protected]