Avviżi 18 / 19 Jannar 2025
2 Ħadd Sena Ċ
1. Proġett tal-Festa tal-Familja Mqaddsa 2025 – Ngħinu lil Dar Sagra Familja, Ħaż-Żabbar. Dar Sagra Familja f’Ħaż-Żabbar tilqa’ fiha tfal u adolexxenti li ma jkunx possibli għalihom li jgħixu mal-familjari tagħhom. Għandhom bżonn isewwu bejt li qed joħloq moffa f’parti residenzjali tad-dar. Qed jgħidulna li jeħtieġ madwar €5,000 biex ikunu jistgħu jsewwu dan il-bejt u jneħħu l-moffa u kulur aħdar minn din il-parti residenzjali tad-Dar.
Il-Parroċċa tagħna tiċċaħħad mid-dħul tal-offertorju fit-tieni u tielet weekends tax-xahar ħalli dan imur ghal dan il-proġett. Grazzi mill-qalb.
2. Il-Ħadd 19 ta’ Jannar 2025 fil-11.15 am quddiesa tal-Festa tal-Familja Mqaddsa għat-tfal kollha tal-parroċċa u l-ġeniuri tagħhom. Tanima l-Kummissjoni Tfal. (Imexxi Fr Jean Claude Schembri bis-sehem ta’ tfal mill-Iklin mis-Seminarju tal-Arċisqof). It-tfal kollha mitluba jġibu ritratt tal-familja tagħhom kif inhi bħalissa biex jitwaħħal fuq board ma’ dak tal-Familja Mqaddsa.
3. Nhar il-Ġimgħa 24 ta’ Jannar fis-6.30pm, fil-knisja Parrokkjali tas-Siġġiewi, ser jiġi ċċelebrat il-Ġublew ma’ Aħwa Nsara minn Knejjes oħra. Bħala parti mill-programm fis-Sena Ġubilari: Pellegrini tat-Tama, l-Arċisqof Charles J. Scicluna se jkun qed imexxi Servizz Ekumeniku. L-omelija ser issir mill-Metropolita Kyrillos ta’ Melite, Eżarka f’Malta tal-Patrijarkat Ekumeniku ta’ Kostantinopli.
4. Is-Sibt 25 ta’ Jannar 2025 – Jum il-Festa tal-Familja Mqaddsa
5.30 p.m. Għasar kantat bil-Malti.
6.00 p.m. Quddiesa Solenni tal-Festa tal-Familja Mqaddsa. Jiċċelebraw Mons Martin Micallef, Vigarju Episkopali tad-Djakonija fl-Arċidjoċesi ta’ Malta u l-kleru tal-Iklin. Issir il-Konsagrazzjoni tal-Parroċċa lill-Familja Mqaddsa. Wara awguri tal-Festa.
5. Il-Ħadd 26 ta’ Jannar 2025 – Il-Ħadd tal-Kelma t’Alla – Waqt kull quddiesa ssir il-Barka tal-Letturi tagħna.
Bejn id-9.30 am u l-11.00 am Seminar għat-tfal li ser jirċievu l-Ewwel Tqarbina u l-Griżma tal-Isqof u l-ġenituri tagħhom. Ikun hemm tliet seminars differenti: għall-ġenituri jkun organizzat mill-Pastoral Formation Institute; Sr Michaela Paris għat-tfal tal-Ewwel Tqarbina; Kevin Vella għal dawk li ser jirċievu l-Griżma tal-Isqof din is-sena. Fil-11.15 am Quddiesa bil-Preżentazzjoni lill-Familja Mqaddsa tat-trabi li tgħammdu tul is-sena 2024.
6. Ħarġa tax-xahar, Il-Ħamis 30 ta’ Jannar 2025 wara l-quddiesa tat-8.30 am.
Inżuru l-Kon-Kattidral ta’ San Ġwann fil-Belt Valletta, fejn hemm pitturi famużi tal-Caravaggio. Ġib miegħek il-Heritage Pass biex tidħol b’xejn San Ġwann – jew ġib €12 żejda. Te jew kafe, ftira, maqrut fi Pjazza Regina u servizz ta’ gwida turistika professjonali. Prezz €18. Booking ma’ Doris Salomone, Margaret Azzopardi, Alfred u Monica DeBono.
7. Il-Ħadd 2 ta’ Frar huwa Jum il-Preżentazzjoni tat-tfajjel fit-Tempju, il-Gandlora. Waqt il-Quddiesa tal-11.15 am issir il-Preżentazzjoni tat-Tfal lil Alla li ser jagħmlu l-Ewwel Tqarbina din is-sena. Tfal, Ġenituri u Qraba mistiedna jattendu.
|
