Il-Ġimgħa Mqaddsa fl-Iklin, 2025

 Il-Ġimgħa Mqaddsa fl-Iklin 2025  

Il-Ħadd, 13 t’ April 2025 – Ħadd il-Palm u l-Passjoni tal-Mulej Quddies bil-qari tal-Passjoni tal-Mulej: fit-8.30am, 10.00, 11.15 u fis-6.00pm. Fil-10.45 am. il-Purċissjoni Tradizzjonali ta’ Ġesu’ f’Ħadd il-Palm, bil-kollaborazzjoni tal-Kunsill Lokali,  u mbagħad, tberik tal-weraq tal-Palm u Żebbuġ. Din issir minn Triq Anton Buttiġieġ ħdejn il-Madonna u kif tasal quddiem il-knisja tinżel Pjazza Ninu Cremona taħt il-bandli, tgħaddi minn Triq Mons Carmelo Aquilina, l-Arċisqof Ġużeppi Mercieca u ddur sal-Knisja.   

It-tfal imħeġġin jilbsu ta’ Lhud, u ser jingħataw friegħi taż-żebbuġ. Min m’għandux libsa ta’ Lhudi jew Lhudija jista japplika fuq il-formola li ntbagħtet bl-email u juża tal-parroċċa. Wara jsir it-Tberik taż-Żebbuġ u l-Quddiesa.  

Tnejn 14 t’ April 2025 4.30 pm L-Ewwel Qrara għat-tfal ta’ Sena 2. L-aħħar ġurnata tal-Katekiżmu għat-tfal qabel il-vaganzi tal-Għid.   

L-Erbgħa 16 t’ April 2025, lejliet Ħamis ix-Xirka qabel id-9.00 am, għandna bżonn offerti ta’ weraq tal-belladonna u fjuri bojod għall-artal tar-repożizzjoni. Għal Sibt il-Għid fit-8 pm infakkru minn issa biex min jiġi jġib miegħu qanpiena ħalli tindaqq waqt il-Glorja Solenni.  

Il-Ħamis, 17 t’ April 2025 – ĦAMIS IX-XIRKA – Tifkira Solenni tal-Ikla tal-Mulej 

6.45am – Uffiċċju tal-Qari u Lawdi. – Fr Keith 

5.45pm – Qrar Mons AV 

6.15pm – Quddiesa b’tifkira tal-Aħħar Ikla tal-Mulej bil-ħasil tar-riġlejn. Mistiedna t-Tfal u l-Ġenituri tagħhom. It-tfal  u l-ġenituri huma mitluba jġibu qanpiena biex tindaqq waqt il-Glorja. 

7.45pm – Seba’ Viżti organizzati.  

9.30pm – Seba’ Viżti lil Gesu’ Ewkaristija – imexxu l-Gruppi taż-ŻAK.  

10.30pm – Viżti Privati sal-11.30 pm meta tingħalaq il-Knisja.  

Il-Ġimgħa 18 t’ April 2025 – Il-Ġimgħa l-Kbira (Sawm u Astinenza) 

6.45am – Uffiċċju tal-Qari u Lawdi – Fr Keith 

8.30 am – Viżti organizzati mill-Kummissjoni Tfal Iklin bis-sehem tat-tfal 

9.30 am – Viżti bil-mixi mill-Knisja tal-iklin u lura  

Adorazzjoni quddiem l-Artal tar-Repożizzjoni sal-11.30 am 

3.00pm – Ċelebrazzjoni tal-Passjoni tal-Mulej. Tfal u ġenituri jieħdu sehem mal-komunita’ parrokkjali fil-Funzjoni tal-Ġimgħa l-Kbira.  It-tfal iġibu magħhom il-biljett kulurit mogħti lilhom flimkien ma’ fjura, biex joffruhom lil Ġesù f’isem il-Familja. Tibda’ n-Novena tal-Ħniena Divina.  

Is-Sibt 19 t’ April 2025 – SIBT IL-GĦID 

6.45am – Uffiċċju tal-Qari u Lawdi. – Fr K 

7.00 pm – 7.55 pm Qrar Mons AV u Dun Karm B 

8.00pm – Sahra fil-Lejl Qaddis tal-Qawmien tal-Mulej mill-Mewt. Jekk jogħġbok ġib miegħek qanpiena mid-dar biex tindaqq waqt il-Glorja solenni.   

Il-Ħadd 20 t’ April 2025 – L-Għid il-Kbir – Jum il-Qawmien mill-Mewt tal-Mulej Ġesù. Quddies fit-8.30 a.m., 10.00 a.m.,11.15 a.m. u 6.00 p.m.